Cofnodion cryno - Y Pwyllgor Deisebau

Lleoliad:

Ystafell Bwyllgora 1 - Y Senedd

Dyddiad: Dydd Mawrth, 3 Gorffennaf 2018

Amser: 09.16 - 10.55
Gellir gwylio’r cyfarfod ar Senedd TV yn:
http://senedd.tv/cy/4759

------

Yn bresennol

Categori	Enwau
Aelodau’r Cynulliad:	David J Rowlands AC (Cadeirydd) Rhun ap Iorwerth AC Janet Finch-Saunders AC Mike Hedges AC Neil McEvoy AC
Tystion:	Lesley Griffiths AC, Ysgrifennydd y Cabinet dros Ynni, Cynllunio a Materion Gwledig Stuart Evans, Llywodraeth Cymru Christianne Glossop, Y Prif Swyddog Milfeddygol, Llywodraeth Cymru
Staff y Pwyllgor:	Graeme Francis (Clerc) Kathryn Thomas (Dirprwy Glerc) Sam Mason (Cynghorydd Cyfreithiol)

<AI1>

1 Cyflwyniad, ymddiheuriadau, dirprwyon a datgan buddiannau

Croesawodd y Cadeirydd bawb i’r cyfarfod.  Ni chafwyd unrhyw ymddiheuriadau.

</AI1>

<AI2>

2 Deisebau newydd

</AI2>

<AI3>

2.1 P-05-818 Cyflwyno Cofrestr o Lobïwyr yng Nghymru

Trafododd y Pwyllgor y ddeiseb am y tro cyntaf a chytunodd i aros am sylwadau gan y deisebydd ar yr ymateb a gafwyd gan Gomisiwn y Cynulliad, cyn penderfynu a ddylid cymryd camau pellach ynglŷn â'r ddeiseb.

</AI3>

<AI4>

2.2 P-05-821 Ailgyflwyno cyllid cymorth addysgol i awdurdodau lleol ar gyfer y Gwasanaeth Cyflawniad Lleiafrifoedd Ethnig a’r Gwasanaeth Addysg i Deithwyr

Trafododd y Pwyllgor y ddeiseb am y tro cyntaf a chytunodd i ysgrifennu yn ôl at Ysgrifennydd y Cabinet dros Addysg i ofyn am fanylion am y canlynol:

• rhagor o wybodaeth am y fformwla a ddefnyddir i ddyrannu arian i bob awdurdod lleol o dan yr EIG a'r trefniadau trosiannol a gyhoeddwyd yn ddiweddar;
• manylion am ba waith ymgynghori sydd wedi'i wneud gyda chynghorwyr neu randdeiliaid cyn y penderfyniad i brif ffrydio cymorth i ddysgwyr o leiafrifoedd ethnig, Sipsiwn, Roma a Theithwyr;
• sut mae Llywodraeth Cymru yn bwriadu monitro effaith y newid hwn a'r ddarpariaeth cymorth parhaus gan awdurdodau lleol.

</AI4>

<AI5>

2.3 P-05-822 Gwahardd gwellt plastig (wrth yfed llaeth) yn ein hysgolion

Trafododd y Pwyllgor y ddeiseb am y tro cyntaf a chytunodd ar y camau a ganlyn:

· ysgrifennu'n ôl at y Gweinidog Amgylchedd i ofyn iddi am y canlynol:

o a fyddai'n ystyried rhoi cyngor i awdurdodau lleol ar wahardd defnyddio gwellt plastig gyda llaeth yn yr ysgol;

o darparu rhagor o wybodaeth am ymgynghoriad y Gwasanaeth Caffael Cenedlaethol gyda chyflenwyr y cyfeiriwyd atynt yn ei llythyr;

o rhoi gwybod i'r Pwyllgor a yw unrhyw un o'r prosiectau peilot yn y cynghorau yn fesurau archwilio penodol i leihau neu gael gwared ar y defnydd o wellt plastig mewn ysgolion; ac

· ysgrifennu at CLlLC i ofyn am eu barn ar y ddeiseb ac i ofyn pa arweiniad a gymerwyd wrth weithio gydag awdurdodau lleol ac ysgolion i helpu i leihau neu gael gwared ar y defnydd o wellt plastig.

</AI5>

<AI6>

2.4 P-05-823 Gostwng y terfyn cyflymder ar yr A487 ym Mhenparcau

Trafododd y Pwyllgor y ddeiseb am y tro cyntaf a chytunodd ar y camau a ganlyn:

• ysgrifennu at Ysgrifennydd y Cabinet dros yr Economi a Thrafnidiaeth i ofyn am y canlynol:

o rhagor o wybodaeth am statws presennol ymrwymiadau blaenorol i archwilio i'r posibl o dynnu statws cefnffordd yr A487 yn Aberystwyth, ac a yw'r gwaith hwn yn dal i fwrw ymlaen;

• ystyried y ddeiseb eto ynghyd â deisebau presennol eraill yn ymwneud â therfynau cyflymder unwaith y bydd Ysgrifennydd y Cabinet wedi ymateb i ohebiaeth flaenorol y Pwyllgor yn ymwneud â'r Adolygiad Terfyn Cyflymder.

</AI6>

<AI7>

3 Y wybodaeth ddiweddaraf am ddeisebau blaenorol

</AI7>

<AI8>

3.1 P-05-796 Galw ar Lywodraeth Cymru i wahardd yr arfer o ddefnyddio anifeiliaid gwyllt mewn syrcasau yng Nghymru

Bu'r Pwyllgor yn trafod gohebiaeth gan yr Urdd Syrcas ynghyd ag ymateb gan y deisebydd a chytunodd i ystyried camau ymhellach yn dilyn y sesiwn dystiolaeth gydag Ysgrifennydd y Cabinet dros Ynni, Cynllunio a Materion Gwledig yn ddiweddarach yn y cyfarfod.

</AI8>

<AI9>

3.2 P-05-801 Rhaid achub y coed a'r tir yng Ngerddi Melin y Rhath a Nant y Rhath cyn iddi fynd yn rhy hwyr

Trafododd y Pwyllgor yr ohebiaeth gan Gyngor Caerdydd a Cyfoeth Naturiol Cymru ynghyd â sylwadau pellach gan y deisebydd a chytunodd i:

• ofyn am ddiweddariad pellach gan Cyfoeth Naturiol Cymru a'r grŵp ymgyrchu o ystyried y trafodaethau sy'n mynd rhagddynt gan y ddwy ochr, y gwaith ymgysylltu a gynlluniwyd gyda chartrefi sy'n cael eu heffeithio'n uniongyrchol gan y perygl o lifogydd ac ystyriaeth Cyfoeth Naturiol Cymru o'r cais i ymestyn yr oedi yn y gwaith ar hyn o bryd;
• gofyn am wybodaeth gan Dŵr Cymru ynghylch ei gynlluniau yn ymwneud â Chronfa Ddŵr Llanisien.

</AI9>

<AI10>

3.3 P-05-809 Is-ddeddfau Pysgota Arfaethedig Newydd a Methiannau Cyfoeth Naturiol Cymru

Cafodd y ddeiseb hon ei thrafod ochr yn ochr â P-05-810 Rhowch Gyfle i Glybiau Pysgota Cymru ac Eog a Brithyll y Môr.  

• Trafododd y Pwyllgor yr ohebiaeth gan Ysgrifennydd y Cabinet dros Ynni, Cynllunio a Materion Gwledig a chytunodd i ysgrifennu at Cyfoeth Naturiol Cymru i ofyn am eu barn ar y sylwadau mwyaf diweddar gan y deisebydd ar gyfer P-05-810.

</AI10>

<AI11>

3.4 P-05-810 Rhowch Gyfle i Glybiau Pysgota Cymru ac Eog a Brithyll y Môr

Cafodd y ddeiseb hon ei thrafod ochr yn ochr â P-05-809 Is-ddeddfau Pysgota Arfaethedig Newydd a Methiannau Cyfoeth Naturiol Cymru. 

Trafododd y Pwyllgor yr ohebiaeth gan Ysgrifennydd y Cabinet dros Ynni, Cynllunio a Materion Gwledig ynghyd â sylwadau ychwanegol gan y deisebydd a chytunodd i ysgrifennu at Cyfoeth Naturiol Cymru i ofyn am eu barn ar y sylwadau mwyaf diweddar gan y deisebydd.

</AI11>

<AI12>

3.5 P-05-814 Pob Adeilad Newydd yng Nghymru i gael Paneli Solar

Bu'r Pwyllgor yn trafod gohebiaeth gan Ysgrifennydd y Cabinet dros Ynni, Cynllunio a Materion Gwledig ynghyd â sylwadau pellach gan y deisebydd ac, o ystyried nad oedd llawer o gamau y gallent eu cymryd gyda'r ddeiseb ar hyn o bryd, cytunwyd i hysbysu'r deisebydd o ganlyniad yr adolygiad o Ran L o reoliadau'r adeiladau y disgwylir iddynt gychwyn ar ddechrau 2019 ac ystyried y ddeiseb eto bryd hynny.

</AI12>

<AI13>

3.6 P-04-519 Diddymu Taliadau Comisiwn wrth werthu Cartrefi mewn Parciau

Bu'r Pwyllgor yn trafod yr ohebiaeth gan y deisebwyr ac, oherwydd yr ystyriaeth fanwl a roddwyd i'r materion a nodwyd gan Lywodraeth Cymru a'r disgwyliad i gyflwyno rheoliadau a fydd yn lleihau'r lefel comisiwn gwerthu uchaf i 5 y cant, cytunwyd i gau'r ddeiseb ar y pwynt hwn.

</AI13>

<AI14>

3.7 P-05-770 Ailagor Gorsaf Drenau Crymlyn

Bu'r Pwyllgor yn trafod gohebiaeth gan Ysgrifennydd y Cabinet dros yr Economi a Thrafnidiaeth ynghyd â gohebiaeth bellach gan y deisebydd a chytunodd i ofyn am farn y deisebydd am fanylion llawn sgoriau asesu cyfnod 1 sydd wedi'u cynnwys yn y llythyr gan Ysgrifennydd y Cabinet dros yr Economi a Thrafnidiaeth at Aelodau’r Cynulliad ym mis Gorffennaf 2017.

</AI14>

<AI15>

3.8P-05-812 Dylid gweithredu canllawiau NICE ar gyfer trin Anhwylder Personoliaeth Ffiniol

Trafododd y Pwyllgor yr ohebiaeth gan Ysgrifennydd y Cabinet dros Iechyd a Gwasanaethau Cymdeithasol ynghyd â sylwadau pellach gan y deisebydd a chytunodd i ysgrifennu at fyrddau iechyd lleol i ofyn:

· am fanylion am y gwasanaethau a ddarperir ar hyn o bryd gydag anhwylder personoliaeth ffiniol yn eu hardaloedd;

· a yw gwasanaethau arbenigol ar gael fel yr awgrymwyd gan ganllawiau NICE.

</AI15>

<AI16>

4 Cynnig o dan Reol Sefydlog 17.42 i benderfynu gwahardd y cyhoedd ar gyfer eitemau 5 ar yr agenda heddiw:

Gohiriwyd eitemau 4 a 5 tan ar ôl y sesiwn dystiolaeth a drefnwyd o dan eitem 6 pan dderbyniwyd y cynnig.

</AI16>

<AI17>

5 Adolygu prosesau ar gyfer deisebau gyda dros 5000 o lofnodion

Gohiriwyd eitem 5 tan ar ôl y sesiwn dystiolaeth a drefnwyd yn eitem 6.

Adolygodd y Pwyllgor y prosesau ar gyfer deisebau gyda thros 5000 o lofnodion a chytunodd i beidio â gwneud unrhyw newidiadau i nifer y llofnodion sydd eu hangen cyn i'r ddeiseb gael ei ystyried ar gyfer dadl mewn Cyfarfod Llawn o'r Cynulliad.  

Fodd bynnag, cytunodd y Pwyllgor i ysgrifennu at y Llywydd gan nodi nifer o gynigion ar gyfer newid y dulliau ar gyfer casglu llofnodion.

</AI17>

<AI18>

6 Sesiwn dystiolaeth gydag Ysgrifennydd y Cabinet dros Ynni, Cynllunio a Materion Gwledig

Clywodd y Pwyllgor dystiolaeth gan Ysgrifennydd y Cabinet dros Ynni, Cynllunio a Materion Gwledig, Dr Christianne Glossop, Prif Swyddog Milfeyddol Cymru a Stuart Evans, Pennaeth Polisi Pysgodfeydd.

</AI18>

<AI19>

6.1 P-04-399 Arferion Lladd Anifeiliaid

Clywodd y Pwyllgor dystiolaeth gan Ysgrifennydd y Cabinet dros Ynni, Cynllunio a Materion Gwledig a chytunodd i ysgrifennu ati i ofyn am y canlynol:

• cadarnhau ei hymrwymiad i ddarparu canllawiau sy'n annog lladd-dai yng Nghymru i osod teledu cylch cyfyng;
• sicrwydd yr anogir pob lladd-dy yng Nghymru i wneud cais am arian grant i osod teledu cylch cyfyng ac y bydd y rhai sy'n dewis peidio gwneud cais yn cael eu monitro'n agos;

gyda'r bwriad o gau'r ddeiseb ar ôl cael ymateb Ysgrifennydd y Cabinet.

</AI19>

<AI20>

6.2 P-04-433 Teledu Cylch Cyfyng mewn Lladd-dai

Clywodd y Pwyllgor dystiolaeth gan Ysgrifennydd y Cabinet dros Ynni, Cynllunio a Materion Gwledig a chytunodd i ysgrifennu ati i ofyn am sicrwydd y bydd pob lladd-dy yng Nghymru yn cael eu hannog i wneud cais am arian grant i osod teledu cylch cyfyng ac y bydd y rhai sy'n dewis peidio gwneud cais yn cael eu monitro'n agos, gyda'r bwriad o gau'r ddeiseb ar ôl cael ymateb Ysgrifennydd y Cabinet.

</AI20>

<AI21>

6.3 P-05-778 Amddiffyn Cyllyll Môr ar Draeth Llanfairfechan

Yn sgil ymrwymiadau a wnaed gan Ysgrifennydd y Cabinet dros Ynni, Cynllunio a Materion Gwledig mewn perthynas â gwella arwyddion yn nhraeth Llanfairfechan, cynnal ymarfer asesu stoc llawn ac y bydd y pysgodfa yn parhau i fod ar gau tan o leiaf diwedd 2018, cytunodd y Pwyllgor i gaw lygad barcud ac i ystyried y ddeiseb eto tuag at ddiwedd y flwyddyn.

</AI21>

<AI22>

6.4 P-05-796 Galw ar Lywodraeth Cymru i wahardd yr arfer o ddefnyddio anifeiliaid gwyllt mewn syrcasau yng Nghymru

Cytunodd y Pwyllgor i aros am gyhoeddiad y Prif Weinidog am y datganiad deddfwriaethol, a ddisgwylir cyn diwedd tymor yr haf, cyn penderfynu ar unrhyw gamau pellach ar y ddeiseb.

</AI22>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>